روژا ئالایێ كوردستانێ ل سەروکاتیا زانکویێ هاتە ساخکرن
زانکۆیا پۆلیتەکنیکى یا دهۆک بیروەریا روژا بەرز راگرتنا ئالایێ پیروزێ كوردستانێ ساخکر
لژێر چاڤدێریا (پ. هـ. د. ئارى عادل) سەرۆکا زانکۆیا پۆلیتەکنیکى یا دهۆک و ب سەرپەرشتیا رێڤەبەریا راگەهاندنێ پشکا چالاکیان و ب ئامادەبوونا هاریکارێن سەرۆکا زانکویێ و راگر و گشت رێڤەبەر و ماموستا و فەرمانبەرێن سەرۆکاتیا زانکۆیا پۆلیتەکنیکى یا دهۆک بیرەوەریا روژا ئالایێ كوردستانێ هاتە ساخکرن و ئالایێ پیروزێ کوردستانێ ل ژلایێ سەرۆکا زانکۆیێ ڤە هاتە بلند کرن.
ئەڤرو ل دەمژمێر ١٠:٠٠ سپێدێ ل باخچێ سەرۆکاتیا زانکویێ و ب ئامادەبونا گشت ستافێ سەرۆکاتییا زانکویێ، رێورەسمێن روژا ئالایێ كوردستانێ دگەل سرودا ئه‌ى ره‌قیب ژلایێ (پ. هـ. د. ئارى عادل) سەرۆکا زانکۆیا پۆلیتەکنیکى یا دهۆک ڤە هاتە بلند كرن، پاشان هه‌ژماره‌كا زور یا ئالاێن كوردستانێ ب سه‌ر ماموستا و فه‌رمانبه‌ران هاتنە بەلافکرن.
ئالایێ کوردستانێ ژ چوار رەنگا پێک دهێت
رەنگێ سور رامانا خوینا شەهیدان
رەنگێ سپێ رامانا ئاشتیێ
رەنگێ کەسەک رامانا سروشتێ کوردستانێ یە
رەنگێ زەر رامانا روژەکا گەشە
٢١ تیشکێن روژێ رامانا سەرسالا کوردانە
ئەف ئالایە ب رەنگ و رامان ڤە وەک ناسناما گەلێ کوردستانێ دهێتە زانین و بو جارا ئێکێ ئالایێ کوردستانێ ل رێکەفتى ١٩٤٦/١/١٧ ب ئامادەبونا قازى محمد ل کومارا مهاباد ل ئیرانێ هاتیە بلندکرن، و پشتى کەفتنا کومارا مهاباد ئالایێ پیروزێ کوردستانێ رادەستى بارزانیێ نەمر جنرال مەلا مستەفا بارزانى کریە، و ل رێکەفتى ١٩٩٩/١١/١١ پەرلەمانێ کوردستانێ یاسایا ئالایێ کوردستانێ پەسەند کر، و ل رێکەفتى ٢٠٠٦/٦/١٩ ب بریارا پەرلەمانێ کوردستانێ روژا ١٢/١٧ وه‌ك روژا ئالایێ كوردستانێ ب فه‌رمى هاتیه دیاركرن بو هەر کوردەکى و ل هەر جهەکێ لێ بیت و ژبەر ڤێ چەندێ هه‌مى سالان ئه‌ڤ روژه ل گشت دام و ده‌زگه‌هێن حكومى و حزبى یێن هه‌رێما کوردستانێ و چەندین ناڤه‌ند وجهێن گشتى ل ناف و ده‌رڤه‌ى هه‌رێما کوردستانێ دهێته ساخكرن و زانکۆیا پۆلیتەکنیکى یا دهوک ژى ب شەش کولیژ و هەشت پەیمانگەهێن خو یێن تەکنیکى ڤە، ڤێ بیرەوەریێ هەر سال ب بلندکرنا ئالایێ کوردستانێ و چەندین چالاکیان نوى دکەت.