پروگرامێ پێشخستنا شیانان بدوماهیک هات


2021-11-21 09:59:12

لروژا پێنج شەمبى رێکەفتى 18/ 11/ 2021، سەنتەرێ گەشەپێدان بو کارى بەشدار بو د ئاهەنگا بدوماهیک ئینانا پروگرامێ پێشخستنا شیانان (Micro-Internship 2021) برێیا ئونلاین. پروگرام دهێتە رێکخستن ژ لایێ رێکخراوا ئایکرێس (IREX) ڤە بهەڤکارى دگەل وەزارتا خوێندنا بلند و ڤەکولینێن زانستى لـ هەرێما کوردستانێ، و بـ پالپشتییا کونسلخانا گشتى یا ویلایەتێن ئێکگرتى یێن ئەمریکا لـ عیراقێ. ئاهەنگ هاتە ئەنجامدان بـ ئامەدەبونا قوتابیێن بەشداربوى د پروگرامى دا، رێڤەبەر و کارمەوندێن سەنتەرێ گەشەپێدان بو کارى، نوینەرێ وەزارتا خوێندنا بلند و ڤەکولینێن زانستى، نوینەرێن کومپانیێن کەرتێ تایبەت و خودان کار و هەروەسا بەرپرس و کارمەندێن رێکخراوا ئایرێکس.

هزرا پروگرامێ (Micro-Internship) ژ لایێ رێکخراوا ئایرێکس ڤە لـ مەها حەفت یا سالا 2020ێ هاتبو گەنگەشەکرن دگەل سەنتەرێن گەشەپێدان بو کارى و کومپانیێن کەرتێ تایبەت وەکو پێگوهورک بو پروگرامێ (Internship) ژبەر بەلاڤەبونا ڤایروسێ کورونایێ و مەترسییا ئەنجامدانا وێ بشێوازەکێ ئاسایى وەکو سالێن بورى.

هەژى گوتنێ یە کو (762) قوتابى، (18) زانکویێن حکومى و تایبەت و (102) کومپانیێن کەرتێ تایبەت و رێکخراو لسەر ئاستێ هەرێما کوردستانێ بەشدار ببون د پروگرامى دا. و ژ زانکویا پولیتەکنیکى یا دهوک (20) قوتابیێن قوناغا دوماهیێ ژ بسپوریێن ژێک جودا بەشداربون و پروگرامێ خو ئەنجامدان دگەل پێنج کومپانى و رێکخراوان ئەو ژى:کومپانیا GK-Auto، کومپانیا ئاسیا سێل، کومپانیا Hunt Oil Middle East Limited، رێکخراوا ئایرێکس، و دەزگەهێ روانگە.

بو زانین پروگرامێ (Internship Program)، پروگرامەکێ تایبەتە بو مەشق و راهێنانا قوتابییان لـ کەرتێ تایبەت و دهێتە برێڤەبرن و سەرپەرشتیکرن ژ لایێ رێکخراوا ئایرێکس ڤە بهەڤکارى دگەل وەزارەتا خوێندنا بلند و ڤەکولینێن زانستى، و رێنمایێن تایبەت هەنە سەبارەت چاوانیا بەشداریکرنا قوتابییان و هەلسەنگاندنا وان.  

© Copyright Duhok Polytechnic University (DPU) - All Rights Reserved

Website Admin: Sarbast Ali