سەروکا زانکویێ سەرەدانا پەیمانگەها تەکنیکی یا ئامێدیێ کر و ژ نێزیك ڤه هایدارى ره‌وشا وێ بوو
ب مەرەما پێشڤه‌برن و بلندكرنا ئاستێ زانستی و ئاگه‌هداربوون ل سه‌ر سه‌ر ره‌وشا په‌یمانگه‌هێ، روژا دووشەمبی رێکەفتی ٢٠٢١/١١/١ رێزدار (پ.هـ.د.ئاری عادل) سەروکا زانکویا پولیتەکنیکی یا دهوکێ، دگەل هاریكارێ سەرۆكا زانكۆیێ بۆ كاروبارێن قوتابیان (پ. هـ. د. رجب ابراهیم حمید) سەرەدانا پەیمانگەها تەکنیکی یا ئامێدیێ کر و ژ لایێ د.هکار زکی راگرێ پەیمانگەهێ و جڤات و ماموستا و فەرمانبەرێن پەیمانگەهێ ڤە هاتنە پێشوازیکرن.
د سەرەدانا خودا سەروکا زانکویێ گه‌ریانه‌كا مه‌یدانى بو بنكه و ژورێن فه‌رمانبه‌ران و ئاڤاهیێ په‌یمانگه‌هێ كر و ژ نێزیكڤه هایدارى ره‌وش و چاوانیا برێڤه‌چوونا كاروبارێن بنكه و هوبێن په‌یمانگه‌هێ بوو.
هه‌روه‌سا دگه‌ل ماموستا و راگریا په‌یمانگه‌هێ كومبوو گوهداریا گله و گازنده و ئاریشه‌یێن ماموستایێن په‌یمانگه‌هێ كر و به‌رهه‌ڤیا خوژى بو چاره‌سه‌ركرنا هه‌مى داخازیێن ماموستا و راگریا په‌یمانگه‌هێ دیاركر ژ پێخه‌مه‌ت باشتركرن و بلندكرنا ئاستێ زانستى ل په‌یمانگه‌هێ.
راگەهاندنا پەیمانگەهێ