نووچە

رێڤەبەرەکێ زانکۆیا پۆلیتەکنیکى یا دهۆک پشکدارى دپروگرامەکێ سەرکردایەتیێ دا کر

ب مەرەما پشتەڤانیاکرنا بەرپرسێن سەنتەرا و رێڤەبەر و سەرکردەیان کو ببنە کەسێن شارەزا و سەرکەفتى دبوارێ کارێ خودا، خولا 2021ێ یا پروگرامێ سەرکردایەتیێ (UNESCO-UNEVOC Leadership Programme 2021) بو دەمێ چوار حەفتیان ب پشکداریا  31 سەرکردە و رێڤەبەرێن دام و دەزگەهێن ئەکادیمى و پیشەیی یێن فێرکرن و راهێنانا تەکنیکى و پیشەیى یێن 25 وەلاتان ب رێکا ئونلاین هاتە کڕن.

 ل دوور پشکداریا زانکۆیا پۆلیتەکنیکى یا دهۆک د ئەڤی خولێ دا رێڤەبەرێ سەنتەرێ گەشەپێدان بو کارى )م. بێوار سلیمان حاجى( وەک نینەرێ زانکۆیا پۆلیتەکنیکى یا دهۆک بو مالپەرێ زانکۆیێ گوت: هەر ژ 07/ 09 تا کو 29/ 09/ 2021، ئەم بەشدارى ئەڤێ خولێ بوین زێدەبارى وێ چەندێ   16 سەنتەرێن (UNEVOC) پشکدارى دئەڤى پروگرامى دا کر، سەبارى وێ چەندێ کو ئەڤە د دەمەکى دا یە جیهان بەرەف سەردەمەکێ نوى و پێشکەفتى ڤە دچیت، د چەند سالێت بورى دا پێشڤەچونەکا بەرچاڤ دبوارێ فێرکرن و بەرهەڤکرنا پیشەیى (TVET) پەیدا بۆ، ئەف پێشڤەچونێن هەنێ و زێدەبارى گهورینێن بلەز دژێنگەهێ دا و هەروەسا بەلاڤەبونا ڤایروسێ کورونایێ (COVID-19) بونە ئەگەرێ گهورینا گەلەک چارچوڤەیێن فێرکرن و راهێنانا تەکنیکى و پیشەیى لسەر ئاستێ جیهانێ و بو دەستپێکەک بو خوگونجاندن و بکارئینانا هندەک شێوازێن نوى لسەر ئاستێ جیهانێ ژبو مەرەما بەردەوامیبون دهەڤرکیکرنێ دا.

ل دووماهیێ نافهاتى ئەوچەندە ژى دیارکر کو شارەزایێن فێرکرن و راهێنانا تەکنیکى و پیشەیى ژ هەمى جیهانێ کوم کرن داکو پشتەڤانیا وان بهێتە کرن کو ببنە کەسێن شارەزا و سەرکەفتى دبوارێ کارێ خودا. برێیا چار وورک شوپان کو لسەر چار حەفتیان هاتبونە دابەشکرن، دەلیڤە ببەشداربویان هاتە دان کو ئاگەهدارى کارتێکرنا دیجیتالێ و تەکنولوژیایێ بن لسەر بازارێ کارى، هەروەسا شیانێن پێتڤى وهەفچەرخ بو چەرخێ دیجیتالى و گونجاندنا دام و دەزگەهێن ئەکادیمى و پیشەیى ژبو برێڤەبرنا ژیوارێ دیجیتالى یێ پێشکەفتى بو بەشداربویان هاتنە دیارکرن. زێدەبارى ڤێ چەندێ، پێزانین و هندەک ستراتیژیێن هاتینە بکارئینان بو ئاڤاکرنا خوگونجاندنا دەزگەهى دچەرخێ دیجیتالى دا هاتنە بەرچافکرن بو رێبەر و رێڤەبەرێن فێرکرن و راهێنانا تەکنیکى و پیشەیى.