نووچە

وەزارەتا خواندنا بلند و ڤەكولينێن زانستى يا حكومەتا عيراقا فيدرال دانپێدان ب زانكۆيا پوليتەكنيكی یا دھوك كر

پشتى ھەول و پەيوەنديێن بەردەوامێن سەرۆكاتيا زانكۆيا پوليتەكنيكی یا دھوك دگەل ئەندامێن جڤاتا نونينەرێن عيراقێ يێن كورد و ھەروەسا راوێژكارێن وەزارەتا خواندنا بلند و ڤەكولينێن زانستى يا عيراقا فيدرال دانپێدانا فەرمى ب زانكۆيا پۆليتەكنيكى يا دھۆك ھاتەكرن.

پيروزباھيێ ل ھەمى قوتابى و دەرچوو و ھەمى ماموستا و فەرمانبەرێن زانكۆيا پۆليتەكنيكى يا دھوك دكەين ھيڤى خوازين ئەڤ دانپێدانە ببيتە رێخوشكەرەك بۆ ب دەستڤەئينانا باوەرنامێن بلند و ھەروەسا ببيتە پالدەرەك بۆ پێشئێخستنا ڤەكۆلينێن زانستى و بلندكرنا ئاستێ زانكۆيێ.