کومبوونەک هاتە ئەنجام دان دگەل کاندیدێن پروگرامێ راهێنانا شیانان


2021-07-16 12:28:19

لروژا سێ شەمبى رێکەفتى 13/ 07/ 2021، رێڤەبەرێ سەنتەرێ گەشەپێدان بو کارى م. بێوار سلیمان حاجى و بهەڤکارى دگەل رێکخەرا پروگرامێ سەنتەرى لـ پەیمانگەها تەکنیکى یا زاخو م. نازدار نزار ابراهیم، کومبوونەکا ئونلاین دگەل کاندیدێن پروگرامێ راهێنانێن شیانان (Micro-Internship) ئەنجام دان.

مەرەم ژ کومبوونێ پیروزباهیکرنا قوتابیێن کاندید بو پروگرامێ ناڤبرى، هەروەسا پێدانا پێشەکییەکێ لسەر پروگرامى و دیارکرنا مفایێن وێ بو قوتابى، زانکو، و کەرتێ تایبەت. زێدەبارى ڤێ چەندێ دکومبوونێ دا گەنگەشە هاتە کرن لسەر چەندین تەوەرێن گرنگ و بەرسڤا پرسیار و تێبینیێن بەشداربویان هاتە دان.   

پروگرامێ (Micro-Internship) دهێتە برێڤەبرن ژ لایێ رێکخراوا (IREX) یا ئەمریکى ڤە بـ پالپشتییا وەزارەتا دەرڤە یا ویلایەتێن ئێکگرتى یێن ئەمریکا و بهەڤکارى دگەل وەزارەتا خوێندنا بلند و توێژینێت زانستى لـ هەرێما کوردستانێ و عیراقێ. پشتى بەلاڤەبونا ڤایروسێ کورونایێ، پروگرامێ ناڤبرى وەکو پێگهورکەک بو پروگرامێ (Internship) هاتە دەستنیشان و برێیا ئونلاین دهێتە ئەنجام دان. مەرەم ژ پروگرامى، بەشداریکرنا قوتابیێن قوناغا سێ یێ یە دگەل کومپانى و دام و دەزگەهێن کەرتێ تایبەت بمەرەما مەشق و راهێنانێ و پێشخستنا شیانانێن کەسایەتى یێن قوتابییان. و پشتى بدوماهیک ئینانا پروگرامى بسەرکەفتیانە، باوەرنامێن بەشداریکرنێ دێ هێنە بەخشین بـ بەشداربویان.   

 هەژى گوتنێ یە کو 19 قوتابى ژ زانکویا پولیتەکنیکى یا دهوک دێ بەشدار بن دپروگرامێ ناڤبرى دا، و راهێنانێن خو دێ ئەنجام دان دگەل 5 کومپانى، رێکخراو، و دەزگەهێن کەرتێ تایبەت و هەر ئێک لدیف بسپوریا خو.

© Copyright Duhok Polytechnic University (DPU) - All Rights Reserved

Website Admin: Sarbast Ali