زەینەب حسێن :قوتابی ژمە عاجزدبن لێ مە ژبەر ساخلەمیا وانە
ژبو پاراستنا ساخلەمیا قوتابی وماموستا وفەرمانبەران روژانە جاڤدێریا جێبەجێکرنا رێکارێن خو پاراستنێ ژ ڤایروسێ کورونا دهێنە کرن.
دگەل دەستپێکرنا پروسێسا ئەزمانێن دوماهیکا سمستەرێ دووێ هوبا تەندروستی وسلامەتی سەرپەرشتیا جاڤدێریکرنا جێجەجێکرنا رێنمایان دبیت.
ماموستا زەینەب حسێن بەرپرسا هوبا ناڤ هاتی دیارکر: روژانە پلا گەرما قوتابیان دهێتەگرتن ل دەرگەهێ سەرەکی یێ پەیمانگەهێ پاشان دچینە هەمی هولێن ئەزمونا بو پشت راستبون ل بەرکرنا کەمامێ ژلایێ قوتابیان ئەگەر دگەل نەبیت ژلایێ مەڤە بو دهێتە ئامادەکرن.
بەرپرسا هوبا تەندروستی وسلامەتی ئەوژی دیارکر روژانە ل دەواما سپێدەهیان وئێڤاران جاڤدێریکرنا مە ل سەر قوتابیان یابەردەوامە دبیت جاران قوتابی ژمە عاجزدبن لێ دگەل هندێ دڤێت بزانن مە ژبەر ساخلەمیا وانە.
پێش دەستپێکرنا ئەزمونان هەمی هولێن قوتابی دێ ئەزمونا لێ ئەنجام دەن ژلايێ هوبا تەندروستی وساخلەمی هاتینە تافێلکرن وپاقژکرن ب مادێن تایبەت داکو پروسێسا ئەزمونا ب سلامەتی دەرباز ببن.