روینشتنا پێنجێ یا جڤاتا زانکۆیا پۆلیتەکنیکی یا دهۆک ب رێکا ئونلاین ھاتە ئەنجامدان
روینشتنا پێنجێ یا جڤاتا زانکۆیا پۆلیتەکنیکی یا دهۆک ب رێکا ئونلاین ھاتە ئەنجامدان
ئەڤرو ڕۆژا دوو شەمبی روینشتنا پێنجێ یا جڤاتا زانکۆیا پۆلیتەکنیکی یا دهۆک بو سالا خواندنێ ٢٠٢٠-٢٠٢١ ب رێکا ئونلاین ھاتە ئەنجامدان،
دڤێ روینشتنێ دا گەنگەشە لسەر پێنج تەوەرێن گرنک ھاتەکرن، ل دەست پێکا روینشتنێ (پ. د. عدنان محسن عبدالعزیز) سەرۆکێ زانکۆیا پۆلیتەکنیکی یا دھۆک پیروزباهیێن هەیڤا رەمەزانا پیروز ل گشت ئەندامێن جڤاتێ کرن و داخازا ساخلەمیەکا باش بو گشت ستافێ زانکویێ خواست، هەروەسا سەروکێ زانکویێ تەکەزى ل سەر ریڤەبرن و رێکخستنا ئەزمونێن وەرزێ دووێ و دووماهیا سالێ کر، کۆ ل دویف رینمایێن وەزارتا خواندنا بلند و ڤەکولینێن زانستى بهێنە ئەنجامدان،
د تەوەرێ ئێکێ دا پلانا وەرگرتنا قوتابیان بو سالا خواندنێ(2021-2022) و کاروبارێن قوتابیان و پروسێسا رێکخستن و رێڤەبەرن و ئەنجامدانا ئەزمونێن قوتابیان یێن وەرزێ دووێ و دووماهیا سالێ د چەند بەرگەیان دا ژلایێ (پ. هـ. د. رجب ابراهیم) هاریکارێ سەروکێ زانکویێ بو کاروبارێن قوتابیان ڤە هاتنە پشنیارکرن و ئەندامێن جڤاتێ دیتن و بوچونێن خوو ل سەر دیارکرن،
و تەوەرێ دووێ دا کاروبارێن زانستى و بەرزکرنا پلەیێن زانستى و پێدانا ناسناڤێ زانستى و مەشقا هاڤینێ، ژلایێ (پ. هـ. د. زیرک عزیزخان) هاریکارێ سەروکێ زانکویێ بو کاروبارێن زانستى ڤە هاتنە پشنیارکرن،
و دتەوەرێ سێ یێ و چوارێ دا کاروبارێن دلنیا جورى و سەنتەرێ زمان هاتنە گەنگەشەکرن، و دتەوەرێ پێنجێ دا کاروچالاکی و پشنیارێن راگەهاندنێ ژلایێ (م. سرکفت رشید) رێڤەبەرێ راگەهاندنا زانکویێ ڤە، بوو سەروک و ئەندامێن جڤاتا زانکویێ هاتنە پشنیارکرن،
ودڤێ روینشتنێ دا هەر وەک روینشتنێن بورى هەر ئێک ژ (د. دیار قادر) رێڤەبەرێ سەنتەرێ توێژینێت زانستى، و(د. نوزت صادق احمد) رێڤەبەرێ تومارا گشتی، و (م. عمر محمد صالح) رێڤەبەرێ تەکنەلوجیا زانیاری، و (م. اومید محمد) رێڤەبەرێ دارایێ، و(م. کارزان عوني) رێڤەبەرێ دلنیا جورى، (د. صدیق یوسف أمین) کاروبارێن گوڤارا زانکویێ، و(م. باسم سید محمد سید احمد) بەرپرسێ هوبا پروگرامێن خواندنێ، بوچوون و پشنیارێن خو ئاراستەى سەرۆکێ جڤاتێ و ئەندامێن جڤاتێ کرن ب مەرەما پەسندکرنا وان پشنیارێن هاتینە ئاراستەکرن، و دهێتە چاڤەرێکرن ل دەمەکێ نێزیک نویترین بریارێن جڤاتا زانکویێ ب نڤیسار بگەهنە گشت کولیژ و پەیمانگەهێن تەکنیکى یێن زانکۆیا پۆلیتەکنیکى یا دهۆک.