ئەڤ پشکە هاتیە دامەزراندن ل سالا ٢٠١٣ ێ دا چانسەکێ باش پەیدابکەت ژبو پێشڤەبرن و بەردەوامی دانا سامانێ ئاژەلی ل هەرێما کوردستانێ بشێوەیەکێ گشتى و ل دەڤەرا ئامێدیێ بشێوەیەکێ تایبەت. پشکا سامانێ ئاژەلى هاتە ئاڤاکرن ل دەڤەرا ئامێدیێ چونکی ئەڤ دەڤەرە جهەکێ ستراتیجیە بو بەرهەم ئینانا گیانەوەرى و دەڤەرەکا زەنگینە ب ئەردێ خویێ قەلەو و کشتوکالی و ب ناوچێن چیایى و ب هەبونا رێژەکا زورا ئاڤێ.

ئامانج:

مەرەم ژ پشکا سامانێ ئاژەلی گەهشتنە بو گەلەک ئارمانجان ژوان:

•  پێشڤەبرن دبوارێ سامانێ ئاژەلی ل هەرێما کوردستانێ بشێوەیەکێ گشتى و ل دەڤەرا ئامێدیێ بشێوەیەکێ تایبەت.
•  داهێنانا رێکێن بەردەوام و نوی و هەڤال بو ژینگەهێ دبەرهەم ئینانا گیانەوەرى دا.
•  زێدەکرنا بەرهەمێ گیانەوەرى ب رێکا پەروەردە و باشکرن و هەلبژارتنێ.
•  باشترکرنا رێڤەبرنا گیانەوەرى (ئالیک، تەندروستى......هتد).
•  دەرئێخستنا ستافەکێ تەکنیکی یێ باش کو دبەرهەڤ بن پروژێن گیانەوەرى ئاڤا بکەن و برێڤەببەن سەرکەفتیانە.
•  پالپشتى کرنا کەرتێ تایبەت برێکا دەرئێخستنا ستافەکێ تەکنیکی یێ باش.
•  زێدەکرنا بەرهەمێن گیانەوەرى د بازارێن هەرێما کوردستانێ دا.

پەیام:

دگەل زێدەبونا ژمارا مروڤان لسەر رویێ ئەردی، پێداویستى لسەر خارنێ زێدەدبیت سال بو سالێ. ژبو دابینکرنا ڤێ پێداویستیێ پێتڤیە حکومەتێ رێکێن باش هەبن ژبو پێشڤەبرنا کەرتێ کشتوکالی ب کردەیى و زانستی. پشکا سامانێ ئاژەلی هاتە ئاڤاکرن داکو پێشڤەبرنێ و بەردەوامی دانێ بئێخیتە د سامانێ ئاژەلی دا ل دەڤەرێ. زێدەباری دەرئێخستنا ستافەکێ تەکنیکی یێ باش کو دبەرهەڤ بن پروژێن گیانەوەرى ئاڤا بکەن و برێڤەببەن سەرکەفتیانە چ دکەرتێ گشتى دا یان د کەرتێ تایبەت دا.

ئەرکێن دەرچوویان:

پشتى دویماهیک هاتنێ دەرچوو دشێن:

•  کاربکەن د پروژێن گیانەوەرى و کارگەهێن گیانەوەرى بەرهەمێن گیانەوەرى
•  کاربکەن ل رێڤەبەریێن کشتوکالی لدویف پێتڤیا حکومەتێ
•  دەست ب دانان و رێڤەبرنا بروژێن بچویکێن گیانەوەرى بکەن
•  بەردەوامى دان باشترکرنا بەرهەمێ گیانەوەرى یێ دەڤەرێ و یێ سروشتى
•  سێ قوتابیێن ئێکەم دشێن بەردەوامیێ بدەنە خوێندنا بەکالوریوس دبوارێ بەرهەمی گیانەوەرى ل کولیژا چاندنێ زانکویا دهوک. بەلێ دڤێت تێکرایێ نمرێن وان کێمتر نەبیت ژ ٨٠\\\\%
•  سێ قوتابیێن ئێکەم دشیاندایە بهێنە دامەزراندن لدویف پێتڤیا حکومەتێ