سەرۆکێ زانکۆیێ پێشوازییا سەرۆکێ کومەلا زانستى یا عیراقێ کر
ب مەرەما ئەنجامدانا کونفرانسێ دووێ یێ نێڤدەولەتى یێ ئەندازیاری یا جیوتەکنیکى یێ عیراقى یێ هەفپشک دنافبەرا زانکۆیا پۆلیتەکنیکى یا دهۆک – پەیمانگەها تەکنیکى ئاکرێ و زانکۆیا بەغدا کولیژا ئەندازیاری، ئەڤرو روژا ئێک شەمبى (پ. د. عدنان محسن عبدالعزیز) سەرۆکێ پۆلیتەکنیکى یا دهۆک ل سەرۆکاتییا زانکۆیێ پێشوازیا (د. مهدى کرکوشى) سەرۆکێ کومەلا زانستى یا عیراقى یا میکانیکا ئاخێ و ئەندازیاری یا بنیاتى و شاندێ دگەل دا کر،
و دروینشتنەکێ دا گەنگەشە لسەر چاوانیا رێکخستن و رێڤەبرنا کونفرانسى هاتەکرن ئەوێ دهێتە چاڤەرێکرن ل ٥و٦ نیسانا ٢٠٢١ ل پەیمانگەها تەکنیکى یا ئاکرێ بهێتە برێڤەبرن، و تەوەرکێ دى یێ رونشتنێ دا گەنگەشە لسەر دووماهیک دەرئەنجامێن ڤەکولینێن زانستى دبوارێ ئەندازیاری یا شارستانى و ژینگەهى و بیناسازى دا هاتە کرن کو ئەف کونفرانسە ببیتە رێکخوشکەرەک بو کەسانێن ئەکادیمى و فێرخوازێن ڤى بوارى و ژبلى وێ چەندێ کو یێ هاریکارە بۆ پەیوەندیێن کارکرنا هەفپشک ژلایێ زانستى و پراکتیکى ڤە دنافبەرا بەشداربوویان دا.