سەنتەرێ گەشەپێدان بو کارى وورک شوپەکا راهێنانێ یا سێ روژى ئەنجام دا


  • 2020-08-29 11:14:43
2020-08-29 10:36:59

سەنتەرێ گەشەپێدان بو کارى یێ بەردەوامە لسەر ئەنجامدانا چالاکیێن ئونلاین. لروژا 24/ 08/ 2020، سەنتەرێن گەشەپێدان بو کارى وورک شوپەک لسەر بابەتێ مایکروسوفت ئوفیس (ئێکسل، وورد و پاوورپوینت) بو قوتابى و دەرچوییێن زانکویا پولیتەکنیکى یا دهوک برێیا ئونلاین ئەنجام دا. وورک شوپ هاتە ئەنجام دان ژ لایێ مامووستا سلیمان محمد سلیمان، مامووستا و رێکخەرێ بەرنامێ سەنتەرێ گەشەپێدان بو کارى لـ کولیژا تەکنیکى ئەندازیارى.

د وورک شوپێ دا مامووستا سلیمان پێزانین و بابەتێن سەرەکى و پێتڤى یێن پروگرامێن ئێکسل، وورد و پاوورپوینتى بو بەشداربویان شروڤەکرن. هەروەسا بەشداربویان ژى پشکدارى د وورک شوپێ دا کرن برێیا پرسیار و گەنگەشەکرنێ ژ بو پتر مفا وەرگرتن ژ وورک شوپێ.

هەژى گوتنێ یە کو وورک شوپێ بو ماوێ سێ روژا ڤەکێشا و پتر ژ 100 کەسان بەشداربون تێدا و باوەرنامێن بەشداربونێ دێ هێنە بەخشین بـ بەشداربویان ژ لایێ سەنتەرێ گەشەپێدان بو کارى ڤە.

© هەمی ماف دپاراستینە بو زانکۆیا پولیتەکنیک دهۆک