سه‌روكاتیا زانكویا پولیته‌كنیكی یا دهوك ده‌ست خوشیێ ل (پ. هـ. د. مسعود عبدالكریم) وئه‌ندامێن لیژنا بلند یا به‌رهنگاربوونا ڤایروسی كورونا دكه‌ت
بناڤێ سه‌روكاتیا زانكویا پولیته‌كنیكی یا دهوك ده‌ست خوشیێ ل (پ. هـ. د. مسعود عبدالكریم) و گشت ئه‌ندامێن لیژنا بلند یا به‌رهنگاربوونا ڤایروسی كورونا ل زانكویا پولیته‌كنیكی یا دهوك دكه‌ین، كو ژبلی ئه‌ركێ خو د كاری دا وه‌ك ماموستایێن زانكویێ، دكتور مه‌سعودی و گشت ئه‌ندامێن لیژنا بلند یا به‌رهنگاربونا نه‌خوشیا ڤایروسێ كورونا ل زانكویێ روله‌كێ دیار و به‌رچاف و كاریگه‌ر هه‌بویه لسه‌ر به‌لافكرنا ره‌وشه‌نبیریا ساخله‌می ل ده‌ڤه‌رێ بگشتی و ل زانكویێ بتایبه‌تی و كارێ وان مینا كارێ پێشمه‌رگه‌یه ل سه‌نگه‌رێن به‌ره‌ڤانیكرنێ ژبو پاراستنا گه‌ل و وه‌لاتێ مه، و هه‌ر ئه‌ركه‌كێ بو ئه‌ندامێن لیژنا نافهاتی هاتیه ده‌ستنیشانكرن خو ژێ نه دایه پاش و بسه‌ركه‌فتیانه ئه‌نجامدایه و ئه‌ڤه ژی ژ دلسوزی و وه‌فاداریا وایه بو خزمه‌تكرن و پێشڤه‌چونا ئاستێ زانستی و ئه‌كادیمی ل هه‌رێما كوردستانێ ب گشتی و پارێزگه‌ها دهوكێ بتایبه‌ت.
دووباره ده‌ست خوشیێ ل دكتور مه‌سعودی و ستافێ دگه‌ل دا دكه‌ین كو ب شه‌ف و روژا كار دكه‌ن پێخه‌مه‌ت پاراستنا گیانێ خه‌لكێ پارێزگه‌ها دهوكێ، ل دووماهیێ ژخودێ دخازین هاریكار و پشته‌ڤانێ مه هه‌میان بیت و پارێزگه‌ها مه پارێزیت ژ هه‌ر نه‌خوشیه‌كێ و بتایبه‌ت ڤێ ئێشا گران یا جیهان هه‌می ڤه‌گرتی.
پ. د. عدنان محسن عبدالعزیز
سه‌روكێ زانكویا پولیته‌كینكی یا دهوك