ئەڤرو روژا سێ شەمبى رێکەفتى 2020/2/25 ئەنجومەنێ وەزیرێن هەرێما کوردستانێ ب سەرپەرشتیا مەسرور بارزانی سەرۆکێ حکومەتا هەرێما کوردستانێ و قوباد تاڵەبانی جێگرێ سەرۆک وەزیران کۆبوونا ئاسایى یا حەفتیانە هاتە ئەنجامدان .
ل دەستپێکا کومبونێ سەرۆکێ حکومەتا هەرێما کوردستانێ چەند رونکرنەک لدوور سەردانا شاندێ حکومەتا هەرێما کوردستانێ و پشکداریا وان د کۆنفرانسێ میونیخ و دیداری پاپای ڤاتیکان و بەرپرسێن بلندێن ئیتالیا گەنگەشەکرن .
دیڤدا سەرۆکێ حکومەتا هەرێما کوردستانێ ئاماژە ب پێکئێنانا کابینا نوى یا حکومەتا فیدرال کر و جەخت لسەر ئێک پشکداریا نوینەرێن هەرێما کوردستانێ کر کو لایەنێن هەرێما کوردستانی هاوهەڵوێست بن لسەر ڤى بابەتى
هەروەسا گفتوگۆ دەربارەی پلان و پێنگاڤ و رێکارێن حکومەتا هەرێما کوردستانێ کرن ژبو بەرهەنگاریکرنا مەترسیا ڤایرۆسێ کۆرۆنا.
و لسەر ڤێ چەندێ دکتۆر سامان بەرزنجی وەزیرێ تەندروستی راپۆرتەک لسەر دووماهیک زانیاری و پێشهاتێن ڤایروسى و ئاریشە و پشنیارێن چارەسەریێ پێشکێشکرن و ژلایێ خو ڤە
سەرۆکێ حکومەتا هەرێما کوردستانێ ئاماژەی ب وێ چەندێ کر کو پاراستنا ژیانا وەلاتیان سەلامەتیا وان لبەرى هەر تشتەکى دهێت و دێ هەمى بزاف و رێکێن پێتڤى گرنە بەر ژبو پارستنا وەلاتیێن هەرێما کوردستانێ .
هەر دڤێ کومبونێ دا ئەنجومەنێ وەزیران ئەف بڕیارە دەرکرن :
§رۆژانە پێزانین و رێنماێن پێتڤى و دروست ب رێکا دەزگەهێن راگەهاندنێ بهێنە بەلافکرن لسەر رایا گشتى.
§ل رۆژا چوارشەمبى رێکەفتى 2020/2/26 هەتا رۆژا سێ شەمبى رێکەفتى 2020/3/10 ل سەرجەم ناڤەندێن خاندنێ ( قوتابخانە ، باخچە ، پەیمانگەهێن حکومی و تایبەت) یێن هەرێما کوردستانێ ببیتە بهێنڤەدان.
§سەبارەت ب زانکۆ و پەیمانگەهێن حکومی و تایبەت ژى هەر ژ رۆژا شەمبى رێکەفتى 2020/2/29 هەتا روژا سێ شەمبى رێکەفتى 2020/3/10 ببیتە بهێنڤەدان ، و دیڤدا ل روژا چوار شەمبى رێکەفتى 11/3/2020 هەتا روژا دووشەمبى رێکەفتى 2020/3/23 ببیتە بهێنڤەدانا بهارێ یا سالانە و ل رۆژی سێ شەمبى رێکەفتى 2020/3/24 دێ خاندن دەستپێکەت. و دێ هەر دوو وەزارەت سەرپشکبن بو قەرەبووکرنا وان روژێن بوینە بهێنڤەدان دچوارچوڤێ خاندنا ئەف سالەدا.
§گەشتێن نە پێتڤى دنافخویا هەرێما کوردستانێ دا و ئەو گەشتیارێن ژ پارێزگەهێن دى یێن ئیراقێ دهێنە هەرێمێ بو دەمەکێ دیارکرى بن و بهێنە سنوردارکرن و پشکنینێن پێتڤى بو هەمى گەشتیاران بهێنە کرن ئەوێن دهێنە دناڤا هەرێما کوردستانێ دا.
§ب چ رەنگان نا بیت کەل و پەل بهێنە گرانکرن یان عەمبارکرن دناف بازارێن هەرێما کوردستانێ دا و دێ رێکێن یاسایى یێن توند بەرامبەر سەرپێچکاران گرنە بەر
§چافپوشینێ ژ پشکنینێن پزیشکی ناکەن بو ئەوان کەسان یێن دهێنە ناف هەرێما کوردستانێ .
§حکومەتا هەرێما کوردستانێ هەوە دلنیا دکەت کو گشت پێتڤێن وەلاتیان دێ دابین کەت و هاتنو چونا بازرگانى دێ یا بەردەوام بیت ب بەرچاف وەرگرتنا رێنمایێن تەندروستى .
§ئەنجومەنی وەزیران، وەزارەتا دارایی و ئابووری راسپارد کو پێتڤیێن پارێزگەهان و ئیدارێن سەربەخۆ دابین بکەت.
§پێشنیارێن هەردوو وەزارەتا ناوخۆ و تەندروستی پەسەند کرن و هەردوو وەزارەت راسپاردن بۆ جێبەجێکرنێ.
§ئەنجومەنی وەزیران داخازێ ژ وەلاتیان دکەت هاریکاربن ژبو جێبەجێکرنا پلان و رێنمایێن دامودەزگەهێن پەیوەندیدارێن حکومەتێ و رێنمایێن خۆپارراستنێ ژى بەرچاف وربگرن و جێبەجێی بکەن.
