سەرەدانا شاندێ رێکخراوا یونسکو بدوماهیک هات


2019-12-03 09:52:33

 

شاند یێ پێک هاتی بوو ژ 16 کەسان کو رێڤەبەرێن سەنتەرێن گەشەپێدان بو کارى و بەرپرسێن یەکەیان لـ حەفت زانکویێن تەکنیکى یێن عیراقێ زێدەبارى نوینەرێن وەزارەتا خاندنا بلند و ڤەکولینێن زانستى  و ستافێ رێکخراوا یونسکو.

شاندێ نافهاتى سەرەدانا زانکویا بێدفوردشێر(University of Bedfordshire) و کولیژا مەلبەندى یا بێدفوردشێر (Central Bedfordshire College) کر و دڤان سەرەدانان دا ژبلى سەرەدانێن مەیدانى چەندین چالاکیێن دى هاتنە ئەنجام دان وەکى سمینار، وورک شوپ .

پشتى نوینەرێ زانکویا پولیتەکنیکى یا دهوک (م. بیوار سلیمان ) رێڤەبەرێ رێڤەبەریا سەنتەرێن گەشەپێدان بو کارى ل سەروکاتیا زانکویێ ژ سەرەدانێ ڤەگەریایى د داخویانەیکێ دا گوت : مەرەم ژ سەرەدانێ مفا وەرگرتن بو ژ سەربورێن پێشکەفتى یێن سەنتەرێن گەشەپێدان بو کارى ل زانکویێن شاهنشینێن ئێکگرتى (UK) دبوارێن رێبەرى و کارگێرییا کارى دا، هەردیسان چاوانیا مفا وەرگرتن ژ کەرەستە و کەل و پەلێن بەردەست، و چاوانیا گەهاندنا خزمەتگوزارییان ب باشترین شێوە و باشترلێکرنا خزمەتگوزارییان بشێوەیەکێ بەردەوام. زێدەبارى چاوانیا موکمکرنا پەیوەندیان دگەل کەرتێ تایبەت و خودان کاران بێوار سلێمان ئاماژە ب وێ چەندێ ژى کر کو سەرەدانەکا سەرکەفتى بو و هەردیسان لسەر بجهئینانا وان سەربوران نافهاتى گوت : مفا دێ ژێ هێتە وەرگرتن دگەلەک بواراندا، بەلێ ژبەر هەبونا جێوازییەکا بەرجاڤ دناڤبەینا شاهنشینێن ئێکگرتى (UK) و عیراقێ دا ژ لایێ کەلتورى، ئابوورى، پیشەسازى، تەکنولوژى، بوارێ وەبەرهێنان و کارى و سیستەمێ خاندنێ لـ هەمى قوناغان، ددەمێ نوکە دا یا بزحمەتە هندەک هزر و سەربورێن سەرەدانێ بهێنە بجهـ ئینان، بەلێ دسەر ڤێ چەندێ را هەمى شیان دێ هێنە مەزاختن بو پتر خزمەتکرنا قوتابى و دەرچوویان و باشترلێکرنا گەهاندنا خزمەتگوزاریێن سەنتەرێ گەشەپێدان بو کارى و پتر موکمکرنا پەیوەندییان دگەل کەرتێ تایبەت .

© Copyright Duhok Polytechnic University (DPU) - All Rights Reserved

Website Admin: Sarbast Ali