رویدان

 قاره‌مانیا ته‌پا پێ یا بچیككرى یا په‌یمانگه‌ها ته‌كنیكى یا ئامێدیێ ئه‌ڤرو ب داوى بوو و یاریا دوماهییێ ژ قاره‌مانیێ دناڤبه‌را تیما كارگێرى كار قوناغا دووێ و تیما ته‌كنولوجیا تاقیگه‌هێن نوژدارى قوناغا دوویێ هاته‌ كرن و تیماكارگێرى كار قوناغا دووێ بو سه‌ركه‌فتیا ئێكێ و قاره‌مانی ب ده‌ست ڤه‌ئینا.

ئه‌ڤرو روژا سێ شه‌مبى رێكه‌فتى 3/12/2019 ب ئاماده‌بوونا د.هكار زكى راگرێ په‌یمانگه‌هێ و عوثمان عبدالله‌ به‌رپرسێ لژنا ناوچا ئامێدیێ یا پارتى و هه‌ژماره‌ك ژ ماموستا و قوتابیێن په‌یمانگه‌هێ یاریا دوماهیێ ژ قاره‌مانیا ته‌پا پێ یا بچیككرى یا په‌یمانگه‌ها ته‌كنیكى یا ئامێدیێ هاته‌ كرن. دڤێ قاره‌مانیێ دا كو 8 تیم ژ ماموستا و فه‌رمانبه‌ر و قوتابیێن په‌یمانگه‌هێ به‌شدارببوون، تیما كارگێرى كار قوناغا دووێ و تیما ته‌كنولوجیا تاقیگه‌هێن نوژدارى قوناغا دوویێ گه‌هشتن قوناغا دوماهییێ و پشتى هه‌ڤركییه‌كا دژوار دناڤبه‌را واندا، تیماكارگێرى كار قوناغا دووێ ب (3-0) گولا ناسناڤێ قاره‌مانیێ ب ده‌ست ڤه‌ئینا و بو سه‌ركه‌فتیا ئێكێ.

ئه‌ڤ قاره‌مانیه‌ ژ كارو چالاكیێن بنكا وه‌رزشى یه‌ ل په‌یمانگه‌هێ و ب سه‌رپه‌رشتیا (د.هكار زكى) راگرێ په‌یمانگه‌هێ سالانه‌ ئه‌ڤ قاره‌مانیه‌ دهێته‌ برێڤه‌برن. هه‌روه‌سا قاره‌مانیا ئه‌ڤ سالا ب هاریكاریا ناڤه‌ندا بالا یا ئامێدیێ ژ لایێ دابینكرنا یاریگه‌هێ ڤه‌ هاته‌ برێڤه‌برن.

 ل دوماهییا یاریێ ژى دیارى ب سه‌ر سه‌ركه‌فتیێن ئێكێ و دووێ و باشترین گولپارێز و گولكار و دادڤانێ ڤێ قاره‌مانیێ هاتن دابه‌شكرن.

ئه‌مژى ب ناڤێ راگری و راگه‌هاندنا په‌یمانگه‌هێ پیروزباهیێ ل سه‌ركه‌فتیێ ئێكێ و دووێ دكه‌ین و دخازین هه‌ر سه‌ركه‌فتیبن.

راگه‌هاندنا په‌یمانگه‌هێ