لژێر دروشمێ زانین ئایندێ گەل و وەلاتی یە و ب چافدێریا (پ. د. عدنان محسن عبدالعزیز ) سەروکێ زانكۆیا پۆلیتەکنیکى یا دهۆك حەفتەمین ئاهەنگا گەرا دەرچوونا قوتابیێن بەكالوریوس و دبلوما تەکنیکى‌ یێن سالا خواندنێ‌ 2018-2019 ل یاریگەها چالاکیێن وەرزشى و دیدەڤانى هاتە برێڤەبرن.

ئەڤرو روژا چوار شەمبى رێکەفتى ١٣/١١/٢٠١٩ و د رێورەسمەکێ ژ هەژى دا و ب ئامادەبونا چەندین رێڤەبەر و بەرپرسێن دام و دەزگەهێن حکومى و حزبى ل پارێزگەها دهوکێ هژمارەکا کەسایەتى و ریهـ سپى و ماقیلێن دەڤەرێ و خێزانێن قوتابیان ، حەفتەمین ئاهەنگا گەرا دەرچونێ بو ١٠٤٨ قوتابیێن ٢ کولیژ و ٢ پەیمانگەهێن تەکنیکى ێن دناڤا سنورێ پارێزگەها دهوکێ دا دگەل کولیژ و پەیمانگەها تەکنیکى یا شێخان و پەیمانگەها تەکنیکى یا شنگال یێن سەر ب زانکویا پولیتەکنیکى یا دهوک ڤە هاتە برێڤەبرن و دروژێن دەربازبوى دا ١٧٨٦ قوتابیێن کولیژ و پەیمانگەهێن تەکنیکى یێن دەرڤەى سنورێ پارێزگەهێ وەک ( زاخو ، و ئاکرێ ، و بەردەرەش ، و ئامێدیێ ) حەفتەمین ئاهەنگا گەرا دەرچونێ بو هاتبوکرن ، و رێژەکا باش ژ دەرچویان بەرهەم هاتیە کو سەرجەمێ گشتى یێ دەرچویێن زانکویا پولیتەکینکى یا دهوک بو سالا خاندنێ  ٢٠١٨-٢٠١٩ دبنە ٢٨٣٤ دەرچۆیێن هەلگرێن باوەرناما بەكالوریوسێ‌ و دبلوما تەکنیکى کو ئەف رێژە دبیتە بەرهەمێ  ٦ کولیژ و ٨ پەیمانگەهێن تەکنیکى یێن ٤٨ پشکێن خواندنێ.

پشتى چەند ئایەتێن قورئانا پێروز ژلایێ قوتابى (یوسف عبدالله) ژکولیژا تەکنیکى ئەندازیارى یا دهوک ڤە هاتینە خواندن ،

سەروکێ زانكۆیا پۆلیتەکنیکى یا دهۆك (پ. د. عدنان محسن عبدالعزیز ) د پەیڤەكی دا بخێر هاتنا ئامادەبویان کر و سوپاسیا سەروکێ حکومەتێ و سەروکێ وەزیران و مرجەعێ کوردستانێ سەروک (  مسعود بارزانى ) کر و هەروەسا پیروزباهیا قوتابیێن دەرچویى ژى کر و گۆت : ئاهەنگا حەفتەمین گەرا دەرچوونێ ل هەوەیێن خوشتڤى پیروز دکەم و هیڤى خوازم ئایندەکێ گەش درێکا هەوەدا بیت ژبو گەهشتنا هیڤى و ئومێدێن هەوە و هین ببنە پشکەکا چالاک ژبو ئاڤا کرنا کوردستانێ..
و ژلایەکێ دیڤە پ. د. عدنان محسن عبدالعزیز ئاماژە ب سیستەمێ خاندنێ کر و گۆت : زانکویا زانكۆیا پۆلیتەکنیکى یا دهۆكد وەرارا گەشەکرنێ دا یا بەردەوامە و چەندین گوهرین د سیستەمێ خواندنێ دا کرینە  وەک نویکرن و راستڤەکرنا پروگرامێن خواندنێ  لگشت پشکێن زانستى ب هەمى بسپوریان ڤە ب هاریکاریا لیژنێن بسپور یێت تایبەت  و لدویف ستاندرێت جیهانێ و ب رێکا کومبون و دیفچون و کونفرانسان  ژبو ڤێ چەندێ  رێنما و نامیلکە و پەرتوکێت هاتینە دروستکرن هەروەسا جێبەجێکرنا پورسێسا بولونا  ئانکو (سیستەمێ  ECTS) ل چەندین کولیژ و پەیمانگەهان  و ئەف نویکرن و پێشڤەچونا زانستى ژبو ئامادەکرنا قوتابیانە   ژ لایەنێن تیوری و پراکتیکی بو کارى ل  دام و دەزگەهێن حکومى  و کەرتێ تایبەت  و پێتڤیا بازارێ کاری و هەروەسا ل سەر ئاستێ نافخویی ژى زانکویێ وەرارەکا باش و پێش چاف کریە و رێژەکا زور یا قوتابیان  هاتیە وەرگرتن ل هەر سالەکێ ژ سالێن خواندنێ ،

سەرۆكێ‌ زانكۆیێ سەبارەت خورتکرنا پەیوەندیان ژى گوت: زانکویا مە لسەر ئاستێ دەرڤە ژى پێنگاڤێن باش دبوارێ زانینێ دا هاڤێتینە و زێدەبارى  پەیوەندیێن دگەل زانکویێن (ئوروپى و تورکی و قوبرسى وعەرەبى) زانکویا مە ژبو خورتکرن و گرێدانا پەیوەندیێن ئەکادیمى و زانستى د ئەف سالە دا وەک پلانا سالانە پەیوەندیێن دوو قولى دگەل زانکویێن ناڤدارێن جیهانى ئەنجامداینە وەک زانکویێن چیک و ئیسپانیا و ئیتالیا و ئەلمانیا.
پ. د. عدنان محسن عبدالعزیز بەحسێ‌ خو راگرى و قەرەمانیا پێشمەرگەیى و ئیمناهیا کوردستانێ ژى کر و گوت : هەردەم خو سەر بلند و سەرفەراز دبینین ب هەبونا هێزا پێشمەرگەهی ، کو ئارامیێ بو کوردستانێ پەیدا دکەن و ب سایا سەرێ وان و قاهرەمانیا وان کوردستان یا پاراستیە ژ هەر زێدەگاڤیەکا چەکدارى یا دژى کوردستانێ دهێتە دارێشتن و لەورا ئەم پشتەڤانین و هاریکارین کو ئەڤ ئازادی وتەناهى یە ل کوردستانێ بمینیت و پێکڤە ژیانا هەمى نەتەوە و ئاینان ل کوردستانێ بوویە نیشانا سەرفەرازیێ د روژهەلاتا ناڤین دا کو ل هەر چار کنارێن وەلاتى دوژمنانى چاف پێ نا رابن.
ل دویف دا پەیڤا دەرچوویان هاتە خواندن و داخاز ژ حكومەتا هەرێما كوردستانێ‌ هاتە كرن كو پتر دەرفەتێن كاری بۆ دەرچوویان بهێنە دیتن، ل دووماهیا رێورەسمان ژی سویندا پشکێن پزیشکى یا دەرچوونێ ژلایێ هاریکارێ سەروکێ زانکویێ بو کاروبارێن زانستى (د. زیرک عزیز خان) ڤە هاتە خواندن و سویندا گشتى یا دەرچوونێ ژلایێ هاریکارێ سەروکێ زانکویێ بو کاروبارێن قوتابیان (د. رجب ابراهیم) ڤە هاتە خواندن و رێورەسمێن داخازکرنا پێدانا باوەرنامێن بەكالوریوسێ‌ و دبلوما تەکنیکى برگا دووماهیێ‌ بوو كو راگرێن كۆلیژ و پەیمانگەهێن تەکنیکى  داخاز ژ سەرۆكێ‌ زانكۆیێ‌ كر باوەرنامێن بەكالوریوسێ‌ و دبلوما تەکنیکى پێشكێشی دەرچوویان بكەت و سەرۆكێ‌ زانكۆیێ‌ ژی هەر ئێک و لدویف بسپوریا وى باوەرنامێن وان پێشكێش كرن.

#سرکفت رشید