سەنتەرێ گه‌شه‌پێدانا كاری ل زانکویا پولیتەکنیکى یا دهوک و دەزگەهێ روانگه‌ دێ هاریکاریا قوتابیان کەن


2019-09-24 04:18:56

ئەڤرو روژا سێ شەمبى رێکەفتى ٢٤/٩/٢٠١٩ سەنتەرێ گه‌شه‌پێدانا كاری ل زانکویا پولیتەکنیکى یا دهوک و دەزگەهێ روانگه‌ ل هولا ئازادى سمیناره ك پێشکێشکى قوتابیێن کولیژا تەکنیکى ئەندازیارى یا دهوک و پەیمانگەها تەکنیکى یا دهوک كر.

ب ئاماده‌بونا (م. ھەڤال طارق ) راگر پەیمانگەھا تەکنیکی يا دهوك  ب وەکالەت و ژمارەکا ماموستا و قوتابیێن کولیژا تەکنیکى ئەندازیارى یا دهوک و پەیمانگەها تەکنیکى یا دهوک ،(م. زكریا عبدالکریم محمد) بەرپرسێ پێشکەفتى یێ دیفچونێ دگەل خودان کارا ل دەزگەهێ رەوانگە ل پارێزگەها دهوکی گرنگترین پێشهاتێن شه‌شه‌مین خه‌لاتێن روانگه ‌2019 دانە دیارکرن

و ئماژە ب وێ چەندێ کر کو قوتابى شیانێن خو دیارکەن و پشکداریێ د پێشبركێێن ب دەستڤە ئینانا خەلاتى دا بکەن و ل دیف هیڤێین خو بگەرن ژبو بدەستڤە ئینانێ ‌ ب تایبەت ئەوێن دبوارێن ( فۆتۆگرافی/ كورته‌ فیلم/ كورته‌ چیرۆك/ تاكژه‌نیا میوزیكێ/ ده‌سپێشخه‌ریا كاری/ هونه‌رێ ریسایكلین/ وێنه‌كیشان / داهێنانا زانستی/ هوزان/ پرۆگرامسازی) دا هەى چونکە پێشبرکیا ڤان بوران دێ هێتە کرن و دهەر بوارەکى دا 3 كه‌س دهێنە هەلبژاتن و دێ باوەرناما دەزگەهێ رەوانگە یێ باوەرپێکرى وەرگرن.

ژبو پشکداریکرنێ ژى ماموستا زكریا ى مه‌رجێن به‌شکداریێ دیارکرن و گوت :

-        کورتیەکێ لسەر پروژەى یان بەرهەمێ بنڤیسى کا مەرەم و ژ پورژەى چەیە و ئارمانجا تە چیە؟

-        ته‌مه‌نی پشکدارى ژ ١٥ سالان کێتر نە بیت و ژ ٢٥ سالان زێدەتر نە بیت

-        بەرهەمێ پشکدارى ل چ جهێن دى نە هاتبیتە بەلافکرن

ژبو پشکداریکرنێ قوتابی دشێن ب رێکا ئونلاین یان ژى ب رێکا ئوڤیسێن دەزگەهێ رەوانگە پروژە و بەرهەمێن خو پێشکێش بکەن و دووماهی روژ بو پێشكه‌شكرنێ دێ ل رێکەفتى 15-10-2019 بیت .

و ل دووماهیێ( م. بیوار سلێمان) رێڤەبەرێ سەنتەرێ گەشەپێدان بو کارى ل سەروکاتای زانکویا پولیتەکنیکى یا دهوک سوپاسیا دەزگەهێ رەوانگە و (م. زكریا عبدالکریم محمد) کر ژبو رونکرنێن وى و هەروەسا ئاماژە ب وێ چەندێ ژى کر کو پێتڤیە بەرى قوتابى ژ زانکویێ دەربچیت پێتڤیە سڤیێ خو پر بکەت ژ کارو چالاکیان

دهێتە زانین سباهی روژا پێنش شەمبى رێکەفتى ٢٦/٩/٢٠١٩ هەمان بابەت دێ ل کولیژ و پەیمانگەها تەکنیکى یا دهوک هێتە شروڤەکرن 

© هەمی ماف دپاراستینە بو زانکۆیا پولیتەکنیک دهۆک