زانکویا پولیتەکنیکى یا دهوک ٤٠ کیسێن خوینێ پێشکێشى بەنکا خوینێ کرن


(ریفراندوم دەستکەفتەکا مێژووی یە بو گەلێ کوردستانێ) ناڤو نیشانێن چالاکیا خوین بەخشنێ بون ئەوا ب هەلکەفتا سالڤەگەرا ریفراندومێ ل ژێر چاڤدێرى و سەرپەرشتیا (پ.د. عدنان محسن عبدالعزیز ) سەروکێ زانکویا پولیتەکنیکى یا دهوک ل کولیژا تەکنیکى ئەندازیارى و پەیمانگەها تەکنیکى یا دهوک هاتیە ئەنجامدان

ئەڤرو روژا چوار شەمبى رێکەفتى ٢٥/٩/٢٠١٩ ل کولیژا تەکنیکى ئەندازیارى و پەیمانگەها تەکنیکى یا دهوک ، سەروکێ زانکویێ  و راگرێن کولیژ و پەیمانگەهێ  و ژمارەکا ماموستا و فەرمانبەر و قوتابیێن زانکویا پولیتەکنیکى یا دهوک / کولیژا تەکنیکى ئەندازیارى و پەیمانگەها تەکنیکى یا دهوک ب هەوەکا خوین بەخشینێ رابون وەک وەفاداریەک بو سەربەخویا کوردستانێ ،

ل دەستپێکێ سەروکێ زانکویێ وەک ئێکەم کەس خوین بەخشى و دیڤدا راگر و ماموستا و فەرمانبەر و قوتابیان ژى وەک وەفادارى بو ڤێ هەلکەفتا پێروز خوینا خو بەخشى بو کەسانێن پێڤى ب خوین هەى کو و ژلاێى خوڤە گروپێ بەنکا خوین ئەوێن ئامادەبون ژ بو وەرگرتنا خوینى سوپاسیا زانکویێ و رێکخەرێن ڤێ چالاکیێ کر و ئاماژە ب وێ چەندێ ژى کر کو بو دەمێ ٢ دوو دەمژمێران ئەو شیان پتر (٤٠) کیسێن خوینى تومارکەن .

© Copyright Duhok Polytechnic University (DPU) - All Rights Reserved

Website Admin: Sarbast Ali