چاوانیا برێڤەبرنا ئەزمونا پراکتیکى هاتە گەنگەشەکرن
ب مەرەما باشتر برێڤەچونا ئەزمەنێن تیورى و پراکتیکى یێن کولیژ و پەیمانگەهێن سەر ب زانکویا پولیتەکنیکى یا دهوک ڤە ئەڤرو رێکەفتى ١٩/٥/٢٠١٩ سەروکێ زانکویا پولیتەکنیکى یا دهوک (پ.د. عدنان محسن عبدالعزیز ) و دگەل هەر سێ هاریکارێن سەروکێ زانکویێ و سەروک و ئەندامێن لیژنا بلند یا ئەزمونان ل سەروکاتیا زانکویێ کومبونەک دگەل راگر و هارێکارێ راگرى و ستافێ لیژنا ئەزمونان ل پەیمانگەها تەکنیکى یا دهوک ل سەروکاتیا زانکویێ ئەنجام دا ،
دڤێ کومبونێ دا گەنگەشە ل سەر چاوانى و برێڤەبرنا ئەزمونێن تیورى و پاراکتیکى یێن دووماهیا کورسێ دووێ و دووماهیا سالێ هاتە کرن و تەکەزى ل سەر ئەنجام دانا ئەزمونا پراکتیکى ب پراکتیکیانە هاتە کرن کو ئەگەر قوتابى ئەزمونەکا پراکتیکى هەبیت پێتڤێە وێ ئەزمونێ دناف (ورشة) و تاقیگەهان دا ئەنجام بدەت و بەروڤاژى ڤێ چەندێ ئەو ئەزمونا ب پراکتیکى نە هێتە ئەنجام دان نا هێتە پەسەندکرن .