نووچە

ب هەلکەفتا ١٢١ سالی یا روژنامەڤانیا کوردى و ئێکەم روژنامە یا بناڤێ ( کوردستان ) ئەڤرو رێکەفتى ٢٢-٤-٢٠١٩ نەهەمین ڤیستەڤالا کولیژ و پەیمانگەها تەکنیکى کارگێرى و پێشانگەها ITM Software Expo 2019   هاتە ئەنجام دان

ل ژێر چافدێریا (پ.د. عدنان محسن عبدالعزیز ) سەروکێ زانکویا پولیتەکنیکى یا دهوک و ب ئامادەبونا ژمارەکا زور ژ کەسایەتى و ئەندام پەرلەمان و سەروکێن زانکویێن پارێزگەها دهوکێ و چەندین رێڤەبەر و بەرپرسێن سازیێن حزبى و حکومى و دەزگەهێن راگەهاندنێ و رێڤەبەرێن دەزگەهێن کەرتێ تایبەت نەهەمین ڤیستەڤالا هەفپشک یا کولیژا تەکنیکى کارگیرى و پەیمانگەها تەکنیکى کارگێرى یا پشکێن روژنامەڤانیا ئەلکترونى و روژنامەڤانى ئەوا سالانە ب هەلکەفتا سال روژا دامەزراندنا روژنامەیا کوردستان دهێتە ئەنجام دان ل کولیژ و پەیمانگەها تەکنیکى یا دهوک دگەل پیشانگەها ITM Software Expo 2019   یا پشکا تەکنولوژیا زانیارى کارگیرى هاتە برێڤەبرن  

ل دەستپێکا رێورەسمێن ڤیستەڤالى سەروکێ زانکویێ (پ.د. عدنان محسن عبدالعزیز ) د پەیڤەکێ دا ژبلى بخێرهاتنا ئامادەبویان ، ئاماژە ب بزاڤێن بەردەوام یێن روژنامەڤانێن کوردستانێ دا ، ژبو دیارکرن و بەرچافکرنا وان زولم و زوردارێن نەحەز و نەیارێن گەلێ کورد ئەنجام داین ،  و ژلایەکێ دیڤە ئەو پروژێن بو پێشانگەهێ هاتنیە بەرهەفکرن ب گرنگى دانە زانین ،  و ژ کەرتێ تایبەت خواست مفاى ژ وان پروژەیان وەرگرن و پتر دەلیڤەیان ب دەرچویێن زانکویێ بدەن ژبو دیارکرن و بەرچافکرنا شیانێن خو ، و دبەردەوامیا پەیڤا خودا سەروکێ زانکویێ دەست خوشى ل رێکەخەرێن ڤیستەڤالێ کر

، و دبەردەوامیا برگێن ڤیستەڤالێ دا چەندین راپورت هاتنە نیشاندان و رولێ روژنامەڤانێن وەغەرکرى نە هاتە ژبیرکن و چەندین چالاکى لسەر کاروژالاکیێن وان هاتبونە ئەنجام دان ، ودبەردەوامیا برگێن ڤیستەڤالێ دا ڤەکرنا پیشانگەها کار و ژالاکیێن قوتابیێن پشکێن رژونامەڤانى ئەلکترونى و روژنامەڤانى ، و هەردیسان ڤەکرنا پێشانگەهاITM Software Expo 2019 یا پشکا تەکنولوژیا زانیارى کارگێرى بو کو ژەندین پروژێن مفادار ژلایێ قوتابیان ڤە هاتبونە بەرهەفکرن ، و دووماهیک چالاکى ژ برگێن ڤیستەڤالێ ڤەکرنا پێشانگەها پەرتوکان بو .