ساخكرنا ڕۆژا ژينگه‌هێ ل په‌يمانگه‌ها ته‌كنيكى زاخۆ، جياوازتر ژ هه‌رسال...
ئه‌ڤرو ڕۆژا دووشه‌مبى ڕێكه‌فتى ( 15/ 4/ 2019 ) په‌يمانگه‌ها ته‌كنيكى يا زاخۆ، چه‌ندين چالاكى ژ بۆ پاراستنا ژينگه‌هێ ئه‌نجامدان.
ب دروشمێ ( ئه‌گه‌ر پاراستنا ژينگه‌هێ بوو كه‌لتوو، ل وى ده‌مى دێ ته‌ندروست ژين ) و ب ئاماده‌بوونا به‌رێز (پ. د. عدنان محسن عبدالعزيز) سه‌رۆكێ زانكۆيا پۆليته‌كنيكا دهوكێ، و (پ. د. طه زبێر سرحان) ڕاگرێ په‌يمانگه‌هێ، به‌رێز(بوتان محسن) هه‌رێمدارێ ده‌ڤه‌را زاخۆ، به‌رێز(صالح حيدر) كارگێرێ لقا 8 يا ( پ.د.ك) و ژماره‌كا به‌رپرسێن ميرى و حزبى، قوتابى و ماموستايێن په‌يمانگه‌هێ، چه‌ندين چالاكى ژ بۆ پاراستنا ژينگه‌هێ ئه‌نجامدان.، لده‌ستپێكێ ڕووپيڤانه‌كا درێژ دناڤ كه‌مپا په‌يمانگه‌هێدا ب پايسكلان ژلايێ به‌رهه‌ڤبوويانڤه هاته ئه‌نجامدان كو پترى (60) پايسكلان بشێوه‌يێ هه‌ميشه‌يى هاتبوونه به‌رهه‌ڤكرن بۆ قوتابيێن په‌يمانگه‌هێ، مه‌ره‌م ژڤێ چالاكيێ هاندانا قوتابيان نه ژ بۆ ب كارئينانا پايسكلان ل شوينا ئالاڤێن ديێن ڤه‌گوهاستنێ، و ب كه‌لتوركرنا ئه‌ڤى كارى بوويه، هه‌ژيه بێژين كه‌نالێن ڕاگه‌هاندنێ گرنگيه‌كا تايبه‌ت دا ئه‌ڤى چه‌ندێ و هه‌رديسان ئاماده‌بوويان خوشحاليا خۆ بو ڤى كارێ شارستانى دا دياركرن.
هه‌روه‌سا بڤێ هه‌لكه‌فتێ په‌يڤه‌ك ژلايێ به‌رێز (پ. د. عدنان محسن عبدالعزيز) سه‌رۆكێ زانكۆيا پۆليته‌كنيكا دهوكێڤه هاته پێشكێشكرن و تێدا باس ل گرنگيا ئه‌ڤى كارى كر، هه‌روه‌سا سميناره‌ك لژێر ناڤونيشانێ (پيسبوونا ژينگه‌هێ و كاريگه‌ريا وێ لسه‌ر بلندبوونا پله‌يا گه‌رمێ) ژلايێ ماموستايێ زانكويێ ( سگڤان عگيد ) ڤه هاته پێشكێشكرن.