دوویه‌مین كۆنفرانسێ نێڤده‌وله‌تی یێ ئه‌ندازیاری و زانستێن پێشكه‌ڤتی لژێر چاڤدێریا ڕاسته‌وخۆ یا ڕێكخراوا (IEEE) یا ئه‌مریكی تایێ ئیراقێ بدووماهیک هات
دوویه‌مین كۆنفرانسێ نێڤده‌وله‌تی یێ ئه‌ندازیاری و زانستێن پێشكه‌ڤتی لژێر چاڤدێریا ڕاسته‌وخۆ یا ڕێكخراوا (IEEE) یا ئه‌مریكی تایێ ئیراقێ بدووماهیک هات
ئەڤرو رۆژا پێنچ شه‌مبێ ڕێكه‌ڤتی (4/4/2019) لده‌مژمێر (11:00) سپیدێ دوویه‌مین كۆنفرانسێ نێڤده‌وله‌تی یێ ئه‌ندازیاری و زانستێن پێشكه‌ڤتی لژێر چاڤدێریا ڕاسته‌وخۆ یا ڕێكخراوا (IEEE) یا ئه‌مریكی تایێ ئیراقێ و ب هەفپشکیا زانکویا پولیتەکنیکى یا دهوک و زانکویا زاخو ل كوليژا تەکنیکى ئەندازیارى یا دهوک – هولا ئازادى ب دووماهیک هات
ئاماده‌بوویێن رێورەسمێن بدووماهیک ئینانا کونفرانسى وه‌ك ڕێزگرتن خۆله‌كه‌كا بێده‌نگی یێ دگه‌ل سروودێن نیشتیمانی یێن كوردستان و ئیراقێ لسه‌ر گیانێ جانگۆریێن بزاڤا ڕزگاریخوازا گه‌لێ كورد ڕاوه‌ستیان و دیڤدا خەلات لسەر باشترین سێ هەلسەنگێرنەر و باشترین سێ ڤەکولەر هاتنە بەلافکرن
دبەردەوامیا برگە و رێورەسمێن بدووماهیک هاتنا کونفرانسى دا ڕێڤه‌به‌رێن كۆنفرانسی یێن هەر دوو زانكۆیان چه‌ندین ته‌وه‌رێن گرنگ ئازراندن وئەو چەندە ژى دیارکر کو ئەف کونفرانسە دێ ل سالێت بهێت د هەیڤا نیسانێ دا یێ بەردەوام بیتو دیڤدا باوەرنامێن پشکداریێ لسەر ڤەکولەران هاتنە بەلافکرن .
دهێتە زانین
كۆنفرانسێ هەفپشکێ زانکویا پولیتەکنیکى یا دهوک و زانکویا زاخو یێ نێڤدەولەتى یێ ئەندازیارى و زانستێن پێشکەفتى د روژا ئێکێ و دووێ دا نوینەرێن (16) وه‌لاتێن جوداجودا و دگەل ڤەکولەرێن ئیراقى وەک ڤەکولەر و گوهدار پشكداری دکونفرانسى دا کر و ژسەرجەمێ (194) ڤه‌كۆلینێن بو لیژنه‌یا هه‌لسه‌نگاندن و بریاردانێ هاتینە هنارتن بتنێ (63) ڤه‌كۆلین هاتبونە قه‌بویلكرن.