شاندێ زانکویا پولیتەکنیکى یا دهوک پشکدارى د وورک شوپا زانکویا گوتینگن دا کر


2019-02-20 12:55:46

ب مەرەما نێفدەولەتیکرنا زانکویێن ھەرێما کوردستانێ وورک شوپەکا سێ روژی ژ پروژێ تایگرێس ل زانکویا گوتینگن ل وەلاتێ ئەلمانیا ھاتە ئەنجام دان ، شاندێ زانکویا پولیتەکنیکی یا دھوک ب سەروکاتیا سەروکێ زانکویێ بەرێز (پ.د.عدنان محسن عبدالعزیز ) وبەرێز (د. مسعود عبدالکریم عبدالرحمن ) راگرێ کولیژا تەکنیکى تەندروستى یا شێخان وبەرێز (د.سمیر  محو جمیل) راگرێ پەیمانگەها تەکنیکى یا بەردەرەش و بەرێز (د.نوزت صادق احمد) رێڤەبەرێ تومارا گشتى و بەرێز ( م. سوار عبدالسلام ) وەک ئەندامێ پروژەى پشکداری دوورک شوپا ١٩-٢٠-٢١ ⁄٢⁄ ٢٠١٩ دا کر و بابەتێن وورک شوپێ پێک هاتینە ژ جێبەجێکرنا سیستەمێ پولونى (ECTS) و مارکتینک و دانانا پلانەکا ستراتیژى یا نێفدەولەتی بو ئایندەى کو گرێداى بیت ب پروگرامێن خاندنێ ڤە دگەل ڤەکولینێن هەفپشک دناف بەرا زانکویێن هەرێما کوردستانێ و زانکویێن ئوروپى .  

دهێتە زانین : ئەف پروژە دێ بو دەمێ سێ سالا ڤەکێشیت  (٢٠١٧-٢٠٢٠) و خەرجیێن ڤی پروژەی دێ ژلایێ کومسیونا ئێکەتیا ئەوروپی ڤە ھێنە مەزاختن کو نەهـ زانکو و دەزگەهێن خاندنا بلند ژ هەرێما کوردستانێ کو پێک دهێن ژ زانکویا پولیتەکنیکى یا دهوک و زانکویا پولیتەکنیکى یا سلێمانیێ و زانکویا سلێمانیێ و زانکویا سەلاحەدین و زانکویا پولیتەکنیکى یا هەولێر و زانکویا راپەرین و زانکویا جەرمو و دەستەى کوردستانى بو توێژینەوە و دیراساتى ستراتیژى و دگەل وەزارەتا خاندنا بلند و ڤەکولینێن زانستى ل ھەرێما کوردستانێ و پێنچ زانکویێن ئەوروپی وەکى زانکویا گوتینگن و زانکویا جورج ئوگست و زانکویا مەساریک یا جیکى و زانکویا خرونینگن یا هولەندى بخوڤە دگریت ، مەرەما هەرە سەرەکى ژڤى پروژەى نێفدەولەتیکرنا کەرتێ خاندنا بلندە ل ھەرێما کوردستانێ ژبو وێ چەندێ مفای ژ ئەزمونا وەلاتێن ئەوروپی پێشکەفتى و ئەو زانکویێن پشکدار دڤی پروژەی دا کرى وەرگرن و دەمێ نوکە دا سیستەمێ پولونى (ECTS) ئانکو (EUROPEAN CREIDIT TRANSFER ACCUMULATION SYSTEM) وەک ئێکەم پێنگاف دێ ل سەر قوتابیێن قوناغا ئێکێ یێن کولیژا تەکنیکى ئەندازیارى یا دهوک  و کولیژا تەکنیکى تەندروستى یا شێخان و پەیمانگەها تەکنیکى یا بەردەرش یێن سەر ب زانکویا پولیتەکنیکى یا دهوک ڤە هێتە جێبەجێکرن

 

© Copyright Duhok Polytechnic University (DPU) - All Rights Reserved

Website Admin: Sarbast Ali