پشكا رۆژنامه‌ڤانى پشكدارى د دیدارا (گەشتیاری - میدیایێ) دا كر
پشكا رۆژنامه‌ڤانى، ل په‌یمانگه‌ها ته‌كنیكى كارگێرى دهۆك، پشكدارى د دیدارا (گەشتیاری - میدیایێ) دا كر ئه‌وا ل هوتێل ریكسوس ژ ئالیێ رێڤەبەریا گشتی یا گەشت و گۆزار – دھۆک ب ھەڤکاری دگەل سەندیکا رۆژنامەنڤیسێن کوردستانێ لقێن (دھۆک - نەینەوا) و ناڤەندا پەیامنێران هاتیه رێكخستن.
د ڤێ دیدارێ دا كو (بەهزاد عەلی ئادەم) جێگرێ پارێزگارێ دهۆکێ و (عبیداللە داود علی) رێڤەبەرێ گشتی یێ گەشت و گۆزارێ ل پارێزگەها دهۆکێ و چەندین پەرلەمانتارێن عیراقێ و کوردستانێ و ئەندامێن جڤاتا پارێزگەها دهۆکێ و کەسایەتیێن ئایینی و بەرپرسێن حزبی و حکومی و مامۆستایێن زانکۆیێ و دەزگەهێن راگەهاندنێ یێن ناڤخو و ئاماده‌بووى، قوتابیا پشكا رۆژنامه‌ڤانى (میدیا جمال عبدالعزیز) سمیناره‌ك ل دۆر (رۆلێ راگه‌هاندنێ د پێشخستنا کەرتێ گەشت و گۆزارێ دا ) كر كو ئاماژه ب وێ یه‌كێ كر كو پێدڤیه ده‌زگه‌هێن راگه‌هاندنێ د گه‌شتێن خوه‌دا پتر گرنگیێ ب بیاڤێ گوزارى بده‌ن، و به‌رده‌وام دیمه‌نێن سه‌رنجراكێش یێن گوزارى نیشا بده‌ن، ژبه‌ر كو دیتنا دیمه‌نه‌كێ پێدڤى ب تێگه‌هشتنا زمانى نینه، هه‌روه‌سا ئاماژه ب گرنگیا ئه‌نجامدانا وورك شوپ و سمینار و روونشتنان كر د ناڤبه‌را جهێن گوزارى و سازیێن میدیایى، هه‌روه‌سا به‌حسێ گرنگیا هه‌بوونا ناملیكان كر بۆ گه‌شتیاران ده‌ما كو قه‌ستا هه‌رێما كوردستانێ دكه‌ن دا پتر د هایدار بن ژ جهێن گه‌شتیاری و ئوتێل و مول و جهێن دیتر.
هه‌ر د ڤێ دیدارێ دا، مامۆستایێ زانکۆیێ(فارس محمد فوئاد نەقشەبەندی) بەحسێ (چەوانیا پێشخستنا کەرتێ گەشت و گۆزارێ ل پارێزگەها دهۆکێ) کر .
ل دووماهیا دیدارێ ژی دەرگەهێ دانوستاندنێ هاتە ڤەکرن و رێبەرێن گەشتیاریێن پارێزگەها دهۆکێ ل سەر ئامادەبوویان هاتنە بەلاڤکرن.