بەرپرسێ لقا ئێک یا پارتى دیمکراتى کوردستان رولێ زانکویا پولیتەکنیکى یا دهوک دبوارێ ئەکادیمێ و زانستى دا ب گرنگى دا زانین


2019-02-10 02:08:48

ئەڤرو رێکەفتى ١٠/٢/٢٠١٩ شاندەکێ لقا ئێک یا پارتى دیمکراتى کوردستان ب سەروکاتیا بەرێز (سەربەست تروانشى ) بەرپرسێ لقا ئێک یا پارتى دیمکراتى کوردستان سەردانا سەروکاتیا زانکویا پولیتەکنیکى یا دهوک کر وب گەرمى ژلایێ سەروکێ زانکویێ بەرێز ( پ.د. عدنان محسن عبدالعزیز ) سەروکێ جڤاتا زانکویێ و گشت ئەندامێن جڤاتا زانکویێ ڤە هاتنە پێشوازیکرن ، پشتى سەروکێ زانکویێ بخێرهاتنا بەرپرسێ لقێ و مێهڤانێن دگەل دا کرى بەرێز ( سەربەست تروانشى ) پەسنا زانکویا پولیتەکنیکى یا دهوک کر دبوارێ ئەکادیمى و زانستى دا و هەروەسا هەستا نەتەوایەتى یا ماموستا و فەرمانبەر و قوتابیێن زانکویێ ب گرنگى دا زانین ب تایبەت د هەر دوو سالێن بورى دا کو زانکویا پولیتەکنیکى یا دهوک وەکە پێگەهەکێ سەرەکى یێ هەستا نەتەوایەتى بویە و رولێ وێ یێ دیار و بەرجاف بویە دپێگەهاندنێ و بەرپرسێ لقا ئێک ئاماژە ب کاودانێن ڤێ دووماهیێ کر ئەوێن ل پارێزگەها دهوکێ هاتینە رویدان و تەکەزى لسەر دووبارەنەبونا وان جورە ریدانان هاتە کر ، وگەشبینیا خو دیارکر ل دوور رولێ ماموستایێن زانکویا پولیتەکنیکى یا دهوک ب پەروەردەکرنا رەفشتێ تازە دا کو لسەر دەستێ ڤان ماموستایان دێ ئایندەیەک گەش بو هێتە دابین کرن ، و دهەمان دەم دا رولێ پارێزگەها دهوکێ ژلایێ سەقامگێرى و ئارامیێ ڤە ب گرنگى دا زانین ژبو ئێک گرتنا هەر چوار پارچێن کوردستانێ و دیار کر کو پارێزگەها دهوکێ وەکە پێگەهەکێ سەرەکى یێ دروست بونا دەولەتا کوردیە و جهێ ب دەست ڤە ئینانا ئارمانجێن گەلێ کوردستانێ یە ل هەر چوار پارچێن کوردستانێ ، و لدووماهیا دیدارێ دەرگەهێ دانوستاند هاتە ڤەکرن و چەندین پرسیار ژلایێ ئامادەبویان ڤە بو بەرپرسێ لقێ هاتنە ئاراستە کرن و ب رەنگەکێ بەرفرەهـ بەرسف ل سەر گشت پرسیاران هاتە دان .

© Copyright Duhok Polytechnic University (DPU) - All Rights Reserved

Website Admin: Sarbast Ali