نووچە

ژچوارچووڤێ به‌رنامێ ERASMUS Plus یه‌كا پشته‌ڤانيا قوتابيێن ئاواره‌ و په‌نابه‌ر R-SOS ل كوليژا ته‌كنيكى ئه‌ندازيارى یا دهوک ل زانكۆيا پولیتەکنیکى یا دهوک هاتە ڤەکرن ، پرۆژێ RESCUE دهێتە هژمارتن ئێك ژ پرۆژێت زانكۆيا پۆليته‌كنيكى يا دهۆك دگه‌ل ئێكه‌تيا ئوروپى UNIMED.

ئەڤرو رێکەفتى 30/1/2019 و ب ئامادەبونا هاريكارێ سه‌رۆكێ زانكۆيێ بۆ كاروبارێت زانستى (پ. هـ. د. زيرك عزيزخان احمد) و هاريكارێ سه‌رۆكێ زانكۆيێ بۆ كاروبارێت قوتابيان (د. رجب ابراهيم حميد) و رێڤه‌به‌رێ رێڤەبەریا په‌يوه‌نديێت نێڤده‌وله‌تى (م. محمد عبد القادر احمد) کومبونا ئه‌ندامێت پرۆژێ RESCUE ل سەروکاتیا زانكۆيا پولیتەکنیکى یا دهوک هاتە ئه‌نجامدان.

دڤێ كومبوونێ دا پلانا ده‌ست بكار بوونا يه‌كا پشته‌ڤانيا قوتابيێ ئاواره‌ و په‌نابه‌ر ل سه‌ر ئاستێ زانكۆيا پولیتەکنیکى یا دهوک و ده‌ڤه‌رێ ژ بۆ پێشوازى لێكرن و هاريكاريێت راوێژكارى بۆ قوتابیێن ناڤبرى هاتە دانان.

هه‌ر بڤێ مەرەمێ به‌رێز ( د. رجب ابراهيم حميد) سەروکێ لیژنا سەرەکى یێ ئەزمونان و (م. محمد عبد القادر احمد) سه‌ره‌دانا قوتابيێن كوليژا ته‌كنيكى كارگێرى کر ژ بۆ هایداربون لسەر چاوانیا برێڤەبەرنا ئەزمونان ، دهێتە چاڤەرێکرن د ده‌مه‌كێ نێزيك دا يه‌كا R-SOS پێشوازيێ ل قوتابيێن ئاوارە و پەنابەر بکەت ب رێكا ژماره‌يه‌كا فه‌رمانبه‌رێت هاتينه‌ مه‌شقكرن ل هەرێما كوردستانێ و ژ ده‌رڤه‌ى هەرێمێ دێ هێته‌ بڕێڤه‌برن.