زانکویا پولیتەکنیکى یا دهوک پشکدارى دکونفرانسێ ئێکێ یێ نێفدەولەتى دا کر ئەوێ لسەر پێشخستنا هێزێن كارى ل ئيراقێ هاتیە ئەنجام دان


رێڤەبەریا سەنتەرێ گەشەپێدان بو کارى ل زانکویا پولیتەکنیکى یا دهوک پشکدارى د کونفرانسێ دەولەتى یێ ئێکێ بو پێشخستنا هێزێن كارى ل ئيراقێ یێ بناڤێ (النهج المتعدد القطاعات لتنمية القوى العاملة ) کر ، ئەوێ ل رێکەفتى ١٢-١٣/١٢/٢٠١٨ ل بەغدا هاتیە ئەنجام دان ، ئەف کونفرانسە ژلایێ رێڤەبەریا پلان دان ودیفچونێ و بهەفکارى دگەل رێکخراوا ئەمریکى ( IREX) و کونسلخانا ئەمریکى ل بەغدا هاتە رێکخستن ب مەرەما

١- پشتەڤانیا هاریکاریا حکومى ژلایێ پێشەسازىا زانکویا ڤە بو بەرەبەلاف بونا کارپێکریا هێزا کارکرنێ ل ئیراقێ

٢- گەنگەشکرنا شیانێن پێتڤی بو دامەزراندنا دەرچویێن نوى ل کەرتێ تایبەت و پێشخستنا کارى ، و چاوانیا پێکەڤەگرێدانا ڤان شیانان د ئێک سیسەمێ خوداندنێ دا ب رێکا نمونێت پێشەسازى د جیهانا راستیێ دا .

٣-دەستنیشانکرنا باشترین سەربورێن سەرکەفتى ل ئیراقێ ئەوێن ئاماژە ب گوهرینا پێتڤى کرین ژبو باشترکرنا خواندنا بلند دگەل نافخویا بەرفرەهـ بو خودان پێتڤیا وەک( پێشەسازى ، حکومەتا ئیراقێ ، کولیژێن زانکویا و سەنتەرێن گەشەپێدانا بو کارى .

دهێتە زانین : بەرێز ( م . بیوار سلیمان حاجى ) وەکە نوینەرێ زانکویا پولیتەکنیکى یا دهوک پشکدارى د کونفرانسێ نافبرى دا کربو و بو دەمێ دوو روژان ڤەکێشا بو .

© Copyright Duhok Polytechnic University (DPU) - All Rights Reserved

Website Admin: Sarbast Ali