راگرێن دوو کولیژێن زانکویا پولیتەکنیکی یا دھوک پشکداری د پروژێ تایگرێس دا کر
ب مەرەما جێبەجێکرنا
ECTS
و نێفدەولەتیکرنا زانکویێن ھەرێما کوردستانێ وورک شوپەکا سێ روژی ژ پروژێ تایگرێس ل زانکویا راپەرین ل باژێرێ رانیا ھاتە ئەنجام دان ، ئەف پروژە دێ بو دەمێ سێ سالا ڤەکێشیت (٢٠١٧-٢٠٢٠) و خەرجیێن ڤی پروژەی دێ ژلایێ کومسیونا ئێکەتیا ئەوروپی ڤە ھێنە مەزاختن کو دەھ دەزگەھێن خاندنا بلند ل ھەرێما کوردستانێ و پێنچ زانکویێن ئەوروپی بخوڤە دگریت ، بمەرەما نێفدەولەتیکرنا کەرتێ خاندنا بلند ل ھەرێمێ و مفا وەرگرتن ژ ئەزمونا وەلاتێن ئەوروپی یێن پشکدار دڤی پروژەی دا ، نینەرێن زانکویا پولیتەکنیکی یا دھوک ھەر ئێک ژ راگرێ کولیژا تەکنیکی ئەندازیاری یا دھوک بەرێز (د.جمال علی حسن ) و بەرێز (د.مسعود عبدالکریم عبدالرحیم ) راگرێ کولیژا تەکنیکی تەندروستی شێخان پشکداری د وورک شوپا ١١-١٢-١٣ ⁄١٢⁄ ٢٠١٨ دا کر و ژبلی گرنگیا وورک شوپێ راگرێن کولیژێن نافبری گرنگیا سیستەمێ پولونی ددەمێ نوکەدا ب پێنگاڤەکا پێشکەفتی دا زانین.