نووچە

سەنتەرێ گەشەپێدان بو کاری ل زانکویا پولیتەکنیکی یا دهوک ل هەولێرێ پشکداری د وورک شوپەکێ دا کر ب ناڤ و نیشان (چاكسازیا خواندن و راهێنانا ته‌كنیكی و پێشه‌یی ل ئیراقێ) ئەف وورک شوپە ژلایێ رێكخراوا (UNESCO) بو ئه‌ندامێن سه‌نته‌رێن گه‌شه‌پێدان بو كاری ل گشت زانکویێن پولیته‌كنیك یێن ئیراقێ هاتبوو رێكخستن و بو دەمێ سێ روژا یا بەردەوام ، ژلایێ خوڤە ستافێ زانکویا پولیتەکنیی یا دهوک ئەوێ پێک هاتى ژ بەرێزان (م. بیوار سلیمان حاجی و م. ئازاد پیرو شاکر ) د روژا ئێکێ دا کارو چالاکێن سەنتەرێ گەشپێدان بو کاری یێن زانکویا پولیتەکنیکی یا دهوکێ  دگەل بەرێز (د. برایان ستێنس) شیره‌تكارێ رێكخراوا (UNESCO) هاتنە گه‌نگه‌شه‌كرن و روژا دووێ دا تەکەزی لسەر کاركرن دگه‌ل خودان كار و گرنگیا کەرتێ تایبەت د په‌یدا كرنا ده‌لیڤێن کاری دا بو دەرچویێن زانکو و پەیمانگەهێن تەکنیکی هاتە کرن، هه‌روه‌سا ئه‌ندامێن (CDC) چاڤپێكه‌فتن دگه‌ل چەندین خودان كارا كر یێن كو ژلایێ رێكخراوا (UNESCO) هاتبونه‌ داخوازكرن ژ پارێزگەهێن جودا جودا یێن ئیراقێ , و دروژا سێ یێ دا سه‌ره‌دانا سەنتەرێ گەشەپێدان بو کاری ل زانکویا پولیتەکنیکی یا هه‌ولێرێ هاته‌ كرن زێده‌باری هه‌ڤدیتنا بوردێ ئاموژگاری یێ زانكویا ناڤبری و ب ئاماده‌بوونا نینه‌رێن (CDC) یێن زانكویێن پولیته‌كنیكی ل ئیراقێ.