نووچە

پشتى ٢٢ هەڤرکیێن زانستى یێن دژوار دنافبەرا ١٤٤ قوتابیێن ٢٤ زانکویێن هەرێما کوردستانێ دبەریکانەیا زانستى یا پروگرامێ (ئەستێرەکانى زانکو ) یێ کەنالێ ئەسمانى یێ کوردستان ٢٤ دا هاتیە ئەنجام دان , قوتابیێن زانکویا پولیتەکنیکى یا دهوک و زانکویا هەولێر یا پزیشکى گەهشتنە قوتاغا دووماهیێ ژ بەرنامەى و ژبو پشتەڤانیکرنا قوتابێن زانکویا پولیتەکنیکى یا دهوک دناف بەرنامەیدا زور بەرێز (د. رجب ابراهیم حمید) هاریکارێ سەروکێ زانکویێ بو کاروبارێن قوتابیان دگەل چەندین ماموستا و قوتابێن زانکویێ ل ستودیویا بەرنامەی ئەمادەبون و پشتى پێشکێشکارێ بەرنامەى هەڤرکیا پرسیاران دنافبەرا قوتابیان دا هاتیە ئەنجام داى قوتابیێن زانکویا پولیتەکنیکى یا دهوک ل رێزا دووێ هاتن و ب کوژمێ (١٥,٠٠٠) دولارێن ئەمریکى هاتنە خەلاتکرن و پشتى قوتابیێن زانکویا هەولێر یا بزیشکى شیاین ل رێزا ئیکێ بهێن و ب کوژمێ ٣٠,٠٠٠ دولارێن ئەمریکى هاتینە خەلاتکرن .