پێشه‌كى:
رێڤه‌به‌ریا ته‌كنه‌لوجیا زانیاری هاتا ده‌مازراندن دگه‌ل ده‌سپێكا دامه‌زراندنا زانكویا پولیته‌كنیك یا دهوك و وه‌ك رێڤه‌به‌ریه‌كا گرنگ كو ب ئه‌ركێ دابینكرنا هاریكاریێن ته‌كنیكی رادبیت. ل دویف هه‌یكه‌لێ نوى یێ زانكویا پولیته‌كنیك یا دهوك، رێڤه‌به‌ریا ته‌كنه‌لوجیا زانیاری ژ دوو هوبا پێك دهێت:
- هوبا مالپه‌رێ ئه‌لكترونی: ئه‌ركێ ڤێ هوبێ، سه‌رپه‌رشتیا كارێ مالپه‌رێ زانكویێ، سیسته‌مێ خواندنا ئه‌لكترونی، دابین كرنا ئیمێلێن (DPU) بو ستافی، هه‌ر وه‌سا دامه‌زراندنا سیسته‌مێن نوى.
- هوبا ساخبێریێ: ئه‌ڤ هوبه به‌رپرسه ژ دابینكرنا ئه‌نته‌رنێتێ، و سه‌خبێریكرنا هه‌می كومپیوته‌را، ئامیرێن چاپێ، سیسته‌مێن ده‌نگی ل هولێن سمینارا، و هه‌می ئامیرێن ئه‌لكترونی.
ل هه‌مى كولیژ و په‌یمانگه‌هێن ب سه‌ر زانكوبێ ڤه، یه‌كا ته‌كنه‌لوجیا زانیاری یا هه‌ى، و دبیته نوینه‌را رێڤه‌به‌ریێ هه‌ر وه‌سا ب ئه‌ركێن وێ رادبیت ل سه‌ر ئاستێ كولیژ و په‌یمانگه‌ها.
ئه‌رك:
ئه‌ركێ سه‌ره‌كى یێ رێڤه‌به‌ریا ته‌كنه‌لوجیا زانیاری ، دامه‌زراندن و برێڤه‌برنا مالپه‌رێ زانكویێ یه، هه‌ر وه‌سا دابینكرنا هاریكاریێن ته‌كنیكی بو ستافێ زانكویێ. و ژ ئه‌ركێن گرنگ یێن رێڤه‌به‌ریا ناڤبرى، دامه‌زراندنا سیسته‌مێن نوى ژبو پێشكێشكرنا خزمه‌تێن باشتر ژ بو هاریكاریكرنا قوتابیان داكو بشێن بگه‌هنه پێزانینێن پێتڤى ب رێكا ئه‌نته‌رنێتێ.
دیتن
پلانا مه د ئاینده‌یدا، دامه‌زراندنا زانكویه‌كا ئه‌لكترونی یه، ژبو دابینكرنا خزمه‌تێن جورا و جور بو ستافێ ئه‌كادیمی و قوتابیان و هه‌ر وه‌سا ده‌رچویێن زانكویا پولیته‌كنیك یا دهوك. ئه‌ڤ سیسته‌مه دێ پروسا خواندنێ پێشڤه‌به‌ن و دێ هاریكار بیت ژبو پێشڤه‌برنا زانكویێ.